എസ്.എസ്.എല്.സി. റിസല്റ്റ് 2013
ആര്.എന്.എം. ഹയര് സെക്കന്ററി സ്കൂള് അത്യുന്നതങ്ങളില് തുടരുന്നു!
ഈ വര്ഷത്തെ എസ്.എസ്.എല്.സി. റിസല്റ്റ് വന്നപ്പോള് പരീക്ഷയ്ക്കിരുത്തിയ 296ല് 293 വിദ്യാര്ത്ഥികള് ഉപരിപഠനത്തിന് അര്ഹത നേടിയതായി ഹെഡ് മാസ്റ്റര് ശ്രീ. കെ.നാസര് അറിയിച്ചു. ശതമാനം കണക്കാക്കിയാല് 99% വിജയം. വിദ്യാഭ്യാസ നിലവാരത്തിലും കലാ-കായിക -ശാസ്ത്രമേള രംഗങ്ങളിലും സ്കൂള് സ്വന്തം ഉന്നത സ്ഥാനം ആര്ക്കും വിട്ടുകൊടുക്കില്ലെന്നും, അദ്ധ്യാപകരുടേയും രക്ഷിതാക്കളുടേയും വിദ്യാര്ത്ഥികളുടേയും കൂട്ടായ ശ്രമങ്ങളാണ് ഈ വിജയത്തിന്റെ രഹസ്യമെന്നും സ്റ്റാഫ് സിക്രട്ടറി, ശ്രീമതി.കെ.സുവര്ണ്ണ കുമാരി ചൂണ്ടിക്കാട്ടി. പി.ടി.എ. പ്രസിഡണ്ട് ശ്രീ. എം.പി.കുഞ്ഞിരാമന് മാസ്റ്റര് കുട്ടികളേയും അദ്ധ്യാപകരേയും അഭിനന്ദിച്ചു. വരും വര്ഷങ്ങളിലും ഈ വിജയം തുടരുമെന്ന് അദ്ധ്യാപകര് പറഞ്ഞു.