സ്വാഗതസംഘം രൂപീകരണയോഗം
നരിപ്പറ്റ, ഫിബ്രവരി 11ചൊവ്വ
ഈ വര്‍ഷം സര്‍വ്വീസില്‍നിന്നും വിരമിക്കുന്ന ഹെഡ് മാസ്റ്റര്‍ ശ്രീ. കെ നാസര്‍, ശ്രീ. വി.ടി.അശോകന്‍, ശ്രീമതി.കമല എന്നിവര്‍ക്ക് ഉചിതമായ യാത്രയയപ്പ് നല്കാന്‍ വേണ്ടി സ്വാഗതസംഘം രൂപീകരിച്ചു. പഞ്ചായത്ത് പ്രസിഡണ്ട് ശ്രീ.ടി.പി.പവിത്രന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ വിവിധ വാര്‍ഡ് മെമ്പര്‍മാര്‍, പി.ടി.എ പ്രസിഡണ്ട് തുടങ്ങിയവര്‍ സംബന്ധിച്ചു.യോഗത്തില്‍ വിവിധ സബ്ബ് കമ്മറ്റികള്‍ക്ക് രൂപം നല്കി. യാത്രയയപ്പുമായി ബന്ധപ്പെട്ട് സ്കൂളിലെ പൂര്‍വ്വ വിദ്യാര്‍ത്ഥികളുടെ ഒരു യോഗം ഉടനെത്തന്നെ വിളിച്ചുചേര്‍ക്കുന്നതായിരിക്കുമെന്ന് ശ്രീ കെ ബാലന്മാ‍സ്റ്റര്‍ പ്രസ്താവിച്ചു.
പതിനേഴാം തിയ്യതിമുതല്‍ പരിപാടികള്‍ ആരംഭിക്കും. സ്കൂളിലെ സ്കൗട്ട്,ഗൈഡ് ,ജെ.ആര്‍.സി. അംഗങ്ങളുടെ നേതൃത്വത്തില് ലഹരിവിരുദ്ധ റാലി, കുട്ടികളുടെ കലാപരിപാടികള്‍, മന്ത്രിമാരും സാംസ്കാരികനായകന്മാരും പങ്കെടുക്കുന്ന സാംസ്കാരിക പരിപാടികള്‍ ,പൂര്‍വ്വവിദ്യാര്‍ത്ഥികളുടെ നേതൃത്വത്തില് ഗുരുവന്ദനം തുടങ്ങിയ പരിപാടികള്‍ വിഭാവനം ചെയ്തുവരുന്നു. പരീക്ഷക്കാലമായതിനാല്‍ സമയത്തിന്റെ ലഭ്യതയ്ക്കനുസൃതമായിട്ടായിരിക്കും അവതരണമെന്നു് ബന്ധപ്പെട്ടവര്‍ സൂചന നല്കി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ